Marmorkake

Dette er ei litt gammaldags kake som var i den gamle kokeboka for heimkunnskap.  Med nytt fag, mat og helse, datt den ut.  Det er ikkje sunt med slike formkaker, men alternativet er kanskje pulverkaker, eller kakemix om ein vil, og då ser ein ikkje kva  kakene er laga av.  Det å røre smør og sukker er også ein teknikk ein kan lære seg.  Kaka er alltid populær å ta med heim!

150 g margarin

150 g sukker

 2 egg

1 ¼ dl mjølk

225 g kveitemjøl
1 ts bakepulver

Slik gjer vi:

1.     Set omnen på 175 grader.

2.     Smør og strø ei avlang form. Ha gjerne bakepapir i botnen.

3.     Rør sukker og margarin kvitt.

4.     Ha i egga - eitt om gongen. 

5.     Rør inn mjølk og mjøl (blanda med bakepulver) vekselvis.

6.     Bland saman i ei mellomstor skål:

2 ms sukker

2 ms kakao

2 ms mjølk

1 ts vaniljesukker.

     7.  Ha 1/3 av røra i kakaoblandinga og rør til jamn røre.

8.     Ha først halvparten av den lyse røra, så den mørke røra og til slutt resten av den lyse røra.

9.     Dra ein gaffel langs midten av forma for å lage marmormønster.

10.  Steik kaka i ca 45 minutt.