29. august

I dag hadde eg ikkje så mange planar. Det er greitt å sjå veret an før ein bestemmer seg.  Eg fekk fylt saftkokaren før det begynte å regne.  Eg plukka og nokre stikkelsbær for å prøve ei oppskrift i den raudruta kokeboka. 

I går tok eg meg ein tur til næraste bygd for å sjå etter kle.  Vanlegvis kjøper eg meg nye kle til skulestart, men av ein eller annan grunn vart det ikkje med meg i år. Kanskje var det fordi eg rydda kle rett før og ikkje fann behovet skrikande?

Far min hadde akkurat kome heim frå fisketur med makrellfangst i går då eg kom opp i Starevegen.  Makrellen vart kokt i går og servert i dag.  Eg bruker ei oppskrift på "sylta" makrell i den blåruta kokeboka.  Karane likte godt dagens dessert, men eg har planar om å utarbeide ei litt betre oppskrift før eg legg ho ut på nett. Så ærleg får ein vere!

Neste veke skal eg lære elevane å lage syltetøy.  Det er alltid like kjekt! Eg bruker og å reklamere for å ete hagebær. Dei er proppfulle av vitaminar.  Det er både sunt og godt å ete dei rett frå treet. I tiandeklasse er det eit rim i engelskboka med "gooseberry". Vi fann og namna på dei andre vanlege bæra som ei lita ekstraoppgåve.

I går fekk eg og låne ein film "Fasandreperne" som eg gler meg til å sjå!