Dagens prosjekt

I dag har kjøkenet stått litt på endes her. Det 23 år gamle kjøleskåpet på kjøkenet er flytta ned.  Eit endå eldre som vi har arva, er ute.  Og på kjøkenet står eit nyinnkjøpt kjøleskåp.  Sidan eg har to frysarar, vil eg ikkje ha kombiskap, men stor kjøleskapskapasitet.  Høgda er 20 cm høgare enn det vi hadde.

Smør og pålegg bruker vi å ha i ein boks/ei korg, slik at vi kan ta alt ut på ein gong til frukost.  Det kan hende eg kan spandere ei finare ei.  På Kiwi fekk eg vite at i dag var det siste sjanse til å kjøpe jordbær frå Valldal.  Så i dag vert det jordbær med sukker og rein, flytande kremfløyte til dessert etter kveldsmaten.

P.S.
Om nokre tiår ser kanskje kjøleskåpa heilt annleis ut.  Då kan det vere artig å ha dokumentert samtida.  Vårt nye kjøleskåp er heilt ordinært.

No har eg lese bruksanvisninga (!!!) og ser at eg har plassert varene heilt feil.  Det er kaldast lengst nede mot det eg kallar grønsakboksen, så der skal ein plassere mjølka t.d.   Her er det visst berre å lese og lære.