søndag 5. januar 2014

Siste dag jul?

I dag er det studenten sin siste dag heime.  I morgon set han kursen mot hovudstaden der han skal gjere siste innspurt i studia sine. Det går rykte om at nokon gler seg til å leve på havregryn.

Som ein kjend TV-doktor seier: "Mothers love their children with food."  Det "vert" mykje god mat i jula. I dag stod det svinesteik og byggrynskrem på menyen.

Vi vel å vente med å kaste ut jula til julegjesten har fare. Eg synest det er greitt å bruke ei veke på sanke inn dukar og handdukar.  Eit eller anna vert lett gløymt om alt skal skje fort. Duken på kjøkenbordet i dag kjem frå stova, så stryk eg på ein kvit der. Julestjernene eg kjøpte til advent, er det ikkje mykje att av, medan julekorga er like fin.
Julehanddukane må ein bruke nokre veker viss det skal vere vits i å ha det.  Men no skal dei vekk!

I morgon er det full fres på jobb.  Det er to veker att av semesteret.  Eg har retta to av tre tentamensbunkar.  I går sette eg med ned med ein bunke.  Før eg visste ordet av det hadde det gått nokre timar, og heile bunken var retta. I dag har eg laga og lagt planar. No skal eg begynne på den siste tentamensbunken så smått ...

2 kommentarer:

  1. Innom for å ønske godt nytt år!
    Jeg er ofte innom og leser når du oppdaterer bloggen, men er dårlig til å kommentere. Fint at du velger å fortsette blogginga, for du har en leseverdig blogg.
    Ên negativ sak: Jeg blir alltid minnet på hvilken dårlig husmor jeg er når jeg besøker deg. Her i heimen er det mannen som står for det meste av matlaginga. Heldigvis elsker han å kokkelere!
    Og når jeg leser om rettebunkene dine kjenner jeg at jeg valgte rett da jeg gikk av med AFP. Alt har sin tid her i livet :-)

    Klem, Kari

    SvarSlett
  2. Det er heilt sant! Eg er glad vi var på jobb fredag og fekk opp motivasjonen.
    Eg liker å lage mat. Men får ofte hjelp til potetskrelling t.d. Føler meg ikkje som noko superhusmor...

    SvarSlett

Related Posts Plugin for WordPress, Blogger...