Krig og fred

Det finst dei som ikkje les bøker.  På spørsmål om dei har lese boka, er standardsvaret: Nei, men eg har sett filmen.

Om eg nokon gong kjem til å lese Leo Tolstoi sitt meisterverk "Krig og fred" frå 1860-åra, vil tida vise.  Språket og forteljarstilen freistar ikkje særleg til djupdykk. Det finst kanskje nyare omstetjingar enn den vi har?

Vi fekk ein boks med  DVD-ar til jul.  Speletida er 6,5 timar. Som så ofte i klassikarane er temaa  "livet, døden og kjærleiken".  I tillegg står tilgjeving sentralt.  Handlinga er lagt til Napoleonskrigane.  Ser ein serien i lys av at forteljinga er gammal, vil ein like serien.  Her er kjende og ukjende skodespelarar.

Vi har sett serien saman med dottera i familien, også ho likte den godt.