Vi småbloggarar skriv gjerne om dei andre hobbyane vi syslar med attåt full jobb. Bilda vert gjerne tatt i full fart på kjøkenbenken eller på den blårutete voksduken som har sett sine beste dagar. På den måten lagar det seg noko å blogge om kvar dag.
I dag har eg vaska og handla. No tel eg på knappane kva eg skal ta tak i:
- Matlaging: Studenten kjem heim frå Oslo på sommarferie i nitida. Kva med ein yndlingdrett etter bussturen?
- Hagestell: Det hadde vore kjekt å fått skvåsjen i jorda!
- Strikking: Det får vente til kvelden!
(Klesvask og oppvask er vel ikkje akkurat hobby, men må gjerast.)
- Lesing: Det gledelege er at lytting av lydbok kan kombinerast med alt over.
- Fotballkamp? A-laget spelar kamp. Eg har vore og sett frøkna før i veka. Og eg må vel kallast fineversupporter.
Viss eg ikkje sit og bloggar, så kan eg rekke over fleire av desse aktivitetane!
Ha ein fin fredag!
Synest det er dumt når det går prestisje i blogginga. Eg bloggar KUN for å halde kontakten med slekt og venner. Og så hjelper bloggen meg å hugse t.d.bøker eg har lese, turar eg har vore på osb. Bilda eg berre ein enkel illustrasjon. Lat oss halde oss på jorda, det skal ikkje konkurrerast i alt.
SvarSlettCupcakes på heiltid hadde vore straffearbeid for meg. Men eg trur ho held kurs også.
SvarSlett