tirsdag 28. februar 2012

Knallgode brød del 2


I dag tok eg fram att mjøl- og krydderblandinga frå i går.
I oppskrifta stod det 50 g gjær.  Eg tok litt i underkant av ein pakke gjær sjølv om eg dobla oppskrifta.  Hevetida vert lengre, men for meg passa det godt med eit par timars pause.  Gjæren smuldra eg rett i bollen før eg har i resten av ingrediensane: 2 ms sirup, 2 ts salt, 6 dl lunka vatn og ca 20 dl kveitemjøl.

I oppskrifta står det berre sammalen kveite og sirup.  For meg er mørk sirup bakesirup, men eg veit ikkje om det er rett.  Det bør også stå om den sammalne kveiten skal vere finmalen eller grovmalen.  Viss det går ut på eitt, kan der stå lys eller mørk sirup.
Då deigen hadde heva opp til kanten, knadde eg den lett og forma tre små brød i staden for to store.  Dei skal heve ca 30 minutt før ein steiker dei først 20 minutt ved 250 grader og så 20 minutt ved 200 grader.

Eg er ikkje noko flink å følgje brødoppskrifter til punkt og prikke, men denne gongen har eg nesten greidd det (feil antal brød). Vanlegvis steiker eg brød ved 200 grader 50-60 minutt.

Med 1/4 grovt mjøl i deigen, er ikkje dette akkurat kvardagsbrød.  Men eit brød ein kan unne seg innimellom,  gjerne med ost til.

2 kommentarer:

  1. Eg har gått over til å bruke maltekstrakt i både brød og loff. Eg syns det gir ein rikare smak enn sirup, og så har den meir vitaminar og mineralar i seg enn sirup. Særleg i fin bakst syns eg den løftar smaken, men eg brukar den også i kvardagsbrøda som eg bakar i brødmaskinen.

    SvarSlett
  2. Det skal eg prøve. Eg og har gått over til det etter kurset med Schakenda. Sirupen stod att etter julebaksten. Då liker eg å ha alle ingrediensar i hus. Då også, får eg vel seie. Elles ville eg steikt brøda normalt. Smaken av fennikel og anis vil eg anbefale!

    SvarSlett

Related Posts Plugin for WordPress, Blogger...