Eplekake i foodprosessor

Sidan foodprosessoren min stod på benken i går, fann eg ut at eg kunne lage ei svært enkel eplekake.  Eg meiner det er ei gammal oppskrift frå då Ingrid Espelid var på Fjernsynskjøkkenet.  Eg nytta elles høvet til å sjekke ut om eg kunne bruke ei silikonform utan å smørje henne.  det gjekk heilt fint!

175 g smør

175 g mjøl

 

120 (1 ½ dl) sukker
1 ts bakepulver
2 egg

 

4 eple
2 ms sukker
1 ts kanel

 

1. Set steikeomnen på 180 g.
2. Smør og strø ei rund form 24 cm.  Ha gjerne bakepapir i botnen.
3. Smuldr smør og mjøl i foodprosessoren
4. Ha i sukker, bakepulver og egg.  Lat maskina gå til du får ei glatt røre.
5. Ha røra i forma.
6. Skrell epla og ta ut kjernehuset. 
7. Skjer dei halve epla i tynne skiver.  Trykk dei halve epla ned i forma.
8. Strø sukker og kanel over.
9. Steik kaka i ca 40 minutt på nedste rille.

Servér kaka lunken med krem eller vaniljeis.