16.mai

 I dag vart eg litt handlingslamma då eg vakna.  i går hadde vi nydeleg ver med sommarlege temperaturar.  I dag hadde kulden kome attende. Det har regna kraftig.  No i kveldninga ser det litt lysare ut.

I morgon skal eg relativt tidleg opp og ta ei "vakt" på bedehuset der ein sel kaker, kaffi og brennsnut.

Mellomstemann reiser litt ut på ettermiddagen, så vi synest det var lurt å samlast til lunsj.  Folk får delta på det dei vil, og så møtest vi her midt på dag. På menyen står det mellom anna spekemat, røykelaks og eggerøre. Til dessert har eg laga grunnovsdessert og bringebærgele.

I haust planta eg raude og kvite tulipanar i hagen med tanke på nasjonaldagen.  Det er så vidt eg har "råd til" å plukke dei, for dei står så fint ute. Lys og serviettar fann eg på halv pris på Christiania Glassmagasin.

No vil eg ønskje alle blogglesarane ein fin 17.mai!