Mjølk - og dagens spørsmål

... eller mjelk som det heitte der eg vaks opp, har ikkje vore mitt favorittdrikke.  Eg hugsar mjølkeglasa som eg måtte trykke i meg då vi budde i Melsbygda.  Den einaste mjølka eg har drukke med god appetitt, er skulemjølka frå den kom på 70-talet.  Surmjølk drikk eg framleis, i alle fall til ballj (potetball).  Resten av familien er mjelkesedikar.

Slike mjølkeflasker burde eg visst hugse, men det gjer eg ikkje.  Mjølka kom i plastposar på 60-talet.  Dei avlange kartongane trur eg kom rundt 1970?

Mjølkeflaska eg har arva, er brun.  Den avløyste den blanke fordi vitamin B2, riboflavin, vert øydelagt når det vert utsett for lys.

Dagens spørsmål vert kva topp som var på desse flaskene.  Eg ser for meg ei sånn klypetopp, men det kan eg like godt ha sett i ein engelsk TV-serie.