Fire rydderettar

 Det er mykje snakk om rydding for tida.  Først og fremst skal jula ryddast ut.  Eg synest det var dumt å vaske reine dukar frå stova der vi ikkje et, så den vart flytta til kjøkenet.  Serviettar skal brukast, og lys skal brennast ned.  Mannen i huset tok vareteljinga i bokhandelen på Blåhuset, så fekk eg vere heime.  Eg har ikkje lagt på latsida, men unnte meg rett nok ein tur midt på dag medan sola skein.

Fredag dukka det opp ein justerapeut på Frukost-TV.  Ho laga ulike jusar som skulle vere godt for ulike sjukdomar og plager.  Eg kjøpte inn billege eple, ei ingefærrot og ein pakke raudbetar.  Frøkna og eg laga ulike jusar av frukt frå jul.  Då er den rydda ut av kjøleskåpet, og ferske varer kan kjøpast inn.  Ingefær gav forresten, i små mengder, ein frisk smak til jusen.

I går laga eg spagettisaus.  Då fekk eg rydda ut litt selleri, tomatar og paprika.  I dag har vi hatt brennsnut.  Krafta kokte eg på salta kotelettbein, litt selleri og løk.  Då fekk eg brukt dei norske grønsakene.  Av rømme- og fløyteskvettar har eg no laga ei vaffelrøre.

No har eg fått ei oversikt over kva eg har i kjøleskapa og kan handle inn det som trengs ...