Tretoppstur: Post 15 og 16

I dag har vi hatt strålande haustver. Vi gjekk opp på Garnestua til Ringstadhornet der det var ein Hareidstrimpost og tilbake til Garnestua og bort på Flåna der det og var ein trimpost. No har eg berre tre trimpostar att før eg får premiepoeng.

Post 14: Skeidshornet

Då vi skulle gå ned frå Kjellstjønna, følte vi begge at det var for tidleg. Så vi bestemte oss for å ta posten på Skeidshornet. Det vart ein time vandring på flat veg.

Post 13: Kjellstjønna

I dag bestemte vi oss for berre å ta ein liten tur sidan eg nettopp hadde gått ein langtur,

Valet fall på Kjellstjønna, ca. 35 minutt frå kraftverket i Ulsteindalen. 

Post 12: Skafjellet

Som ein bonus på skuleturen tok eit par av oss ein liten avstikkar opp på Slafjellet der det er ein Hareidstrimpost.

Post 11: Kiberget

Seint i går kveld landa vi på Vigra. Det tek litt tid å lande etter ein slik tur. Dagen har vorte brukt til klesvask, rydding etter turen og innkjøp.  Etter middag for dei to i midten på overnattingstur i fjellet. Då fann bi ut at vi kunne ta ein fjellpost. Valet fall på Kiberget, fjellet med furutre på toppen. Ein får sett Ulsteinvik og Hareid frå andre vinklar.

Post 10: Storenakken

Vi bestemte oss for ein kort tur i dag og. Stien gjekk vidare frå Feittbrennaren. 

 I dag mangla vi berre eitt av borna. Audun er på stridskurs. 

No har vi nettopp kome heim frå konsert på Sjøborg, Filler i lys. Odd Goksøyr har omsett Cohentekstar til norsk og fått med seg mange dyktige songarar og musikarar. Det var ei flott oppleving.

Post 9: Dimna

 I dag dukka det opp ein skrytestatus på Facebook der eg for nokre år sidan la ut at eg var ferdig med all retting.  Det var planen for i dag og.  men først hadde eg lyst på litt frisk luft.

 Vi tok ein bortovertur på Dimna.  Vi forlet Hareid i fin sol.  Regnet kom då vi var eit par hundre meter frå bilen.

Vi måtte forbi nokre gardar.  Eg hadde sansen for stien over gjerdet, så slepp ein å øydelegge.

Takka vere Hareidstrimmen, har eg no vore ein ny stad i nabobyen.

Post 8

I går gjekk vi Øvsteråsa frå Ulset. Posten låg ved Bryggjene, ein litt stad med eit litt spesielt langskap.

Her var det bratt bakke! Skal tru om det er is eller sjø som har forma landskapet.

2. Pinsedag og post 6 og 7

I dag gjekk vi opp på Melshornet til den årlege friluftsgudstenesta der Hjørungavågspeidarane og Hjørungavåg Brass deltek. I dag vart også eit tvillingpar døypte, Aksel og Josefine.

Ein bonus var ein Hareidstrimpost på toppen. Venninna mi er endå meir offensiv. Dei hadde to bilar og parkert den eine slik at dei kunne gå ned på Overå og ta ein post på vegen ned. Det vart til at vi gjekk saman med dei, og så køyrde dei oss til bilen. Vi har allereie planlagt neste post vi skal ta -i morgon.

Post 5

I går var vi berre to som gjekk tysdagstur. K og eg nytta høvet til å ta ein Hareidstrimpost på Ramnefjellet. Stien var bratt, men tørr og fin.

Post 4

I dag var det meldt regn ut på dagen, men vi vakna til fin sol. Då bestemte vi oss for ein tur på Løkeberget. Turen tek ein liten time i mitt tempo. På toppen kom det nokre få, varme dropar.

Det er ikkje berre fjella som er flotte!

Når eg bloggar frå nettbrettet, vert bilda ekstra store. Det skal eg gjere noko med når eg får tid ...

Post 3

I dag har det regna heile dagen, og skodda har lege langt ned i fjella. Vi fekk lyst til å lufte oss, og valet fall på Eika. Turen tek omlag ein time. 

Det var berre duskregn, så turen vart ikkje så våt som vi trudde på førehand.

Post 2

 Dagens tur gjekk til Hjørungneshornet.  Det kom nokre dropar medan vi gjekk, men regnet venta til vi var vel heime.  Her ser ein Hjørungavåg der eg var lærar på 90-talet. 

 Utsikt mot Vartdal.

 Kusymre.

Skogfiol.

Jakta har begynt!

Då snakkar eg sjølvsagt om jakta på trimpostar. Årets første trimposttur gjekk til Håbakknotten i går.