Vaniljepudding

I dag laga vi ein gammal klassikar på skulekjøkenet, nemleg vaniljepudding.  Oppskrifta fann eg i Ingrid Espelid si "Velkommen til mitt kjøkken - 20 år i fjernsynskjøkkenet", og så har eg tilpassa ho skulekjøkenet.  Denne desserten høver godt å lage når ein har eggeplommer til overs.

Elevane startar med å lage raud saus.  Vi brukte H-mjølk i dag.

Raud saus

¾ dl raud saft

1 ¼ vatn

1 ts potetmjøl

1. Bland alt kaldt saman i panna.  Rør til det kokar opp.

2. Hell sausen i ein mugge.

Vaniljepudding

5 dl mjølk

3 ms maisenna

1 eggeplomme

1 ms sukker

1 ½ ts vaniljesukker

1. Bland mjølk og maisenna i ei teflon- eller aluminiumspanne.

2. Visp saman eggeplomme, sukker og vaniljesukker i ei skål.

3. Kok opp mjølk/maisenna.  Rør  til det kokar opp, og lat det koke eit par minutt.

4. Ta ”grauten” til side og rør inn egg/sukker/vaniljesukker.

5. Hell puddingen i ei skål.  Set gjerne skåla i vassbad til nedkjøling.

(Skålene på skulekjøkenet toler dette, men ver forsiktig heime, ei krystallskål vil sprekke.)

(Ein kan ikkje bruke metallreiskap når ein kokar puddingar med egg i aluminiumspanner.)