Vi starta dagen med ein liten handlerunde. Eg handla litt saman med mora mi i går, men nokre varer må kjøpast rett før det skal i kjøleskåp og frysar. Elles kjøpte eg litt 17-mai-stæsj på Nille. Det vart enda billegare enn vanleg, for eg hadde fått ein verdisjekk på 71 kroner.
Så fekk eg meg nokre timar i hagen med bok på øyret før eg laga middag. I dag har eldste- og yngstemann sprunge halvmaraton i Ålesund. Begge med gode resultat. Broren i Oslo var med på Holmenkollstafetten. Laget hans tok tredjeplass i militær klasse.
Eg steikte svinekotelettar i omnen på svak varme i dag. Det er ein grei måte å gjere det på når ein vil vere ute. Så fekk dei krem og hermetisk frukt til dessert. Dei spreke karane treng å fylle opp lagera.
Om ikkje lenge startar Melodi Grand Prix. Der er eg litt utanfor i familien. Eg har vald å heller sjå krim enn å sjå semifinalene. I kveld får eg hekte meg på!
Ingen kommentarer:
Legg inn en kommentar