Eg har ei oppskrift på vørterbrød som eg alltid bruker. Ut i jula var vørterbrøda mine oppetne, og då fann eg ut at eg kunne prøve dei på mjølposen. Merkeleg nok er dei utan vørterøl, noko som passar godt når ein har brukt opp det ein kjøpte til jul.
Det vart sjølvsagt vurdering og evaluering i heimen. Desse nådde ikkje opp til dei vanlege, men var godt etande. Sjølv synest eg dei smaka sukker, og eg ville anten brukt mindre sukker eller meir mørk sirup.
Oppskrifta under er omsett til nynorsk. framgangsmåten er forenkla.
1 pk gjær
4 dl lunka vatn
85 g mørk sirup
550 g kveitemjøl
275 g sikta rugmjøl
70 g sukker (1/2 dl nok?)
1 ts salt
1 ts pepar
1 ts kanel
1 ts ingefær
1 ts anis
1/2 ts nellik
30 g smør, i terningar
1 pk (250 g) rosiner
- ha alle ingrediensane i bollen på kjøkenmaskina etter rekkjefølga - berre ikkje smør og rosiner.
- Lat maskina gå 5-10 minutt før du har i smøret.
- ha i rosinene tyil slutt og la deigen heve under plast ca. ein time.
- Form to brød.
- Hev ca. 30 minutt.
- steik ved 190 grader midt i omnen 30-35 minutt.
- Legg eit bakepapir over brøda mot slutten viss du ser dei held på å bli for brune.
Ååå, jeg husker mor bakte vørterbrød i min barndom, men har ikke smakt det siden. Jeg husker det som veldig godt og erindrer at vi spiste det med smør og brunost. Godt nytt år til deg.
SvarSlett