Eg har gledd meg til å bake etter Schakendas metodar. Men ein treng tid. Det er lurt å planlegge slik at ein til dømes legg inn tretimarsheving når ein gjer noko anna ein annan stad. Ein bunke norsktekstar vart ferdigretta i dette tilfellet.
For å få best muleg deig, bør mjølet fa trekke vatn før ein har i gjær og salt. Eg laga to slike fordeigar i går.
Den eine tilsette eg gjær og salt, let maskina kna den 15 minutt før eg tilsette tørka frukt som hadde lagt i vatn.
Frukt- og nøttebrødet har eg reklamert for tidlegare på bloggen. Denne gongen vart det lysare enn vanleg. Rosinene var lyse. Dei var tyrkiske. Schakenda meinte ein burde halde seg til dei amerikanske.
I dag tok eg fram den andre fordeigen og tilsette ingrediensar til focaccia. Schakenda brukte ein balje til heving. Eg fann fram ein plastdunk som eg meiner eg kjøpte 5 kg jordbær i.
Her har deigen heva i tre timar.
Deigen skal strekkast og brettast tre gonger. Min deig vart to brød som dekte kvar si omnsplate.
Sidan eg hadde frisk rosmarin i huset, hadde eg det på den eine focacciaen. Den andre tisette eg ekstra oliven.
Brøda fekk ikkje stå lenge i fred. Det galdt begge dagane!
Neste gong eg skal lage focacca skal eg prøve med søte tørka tomatar-det trur eg blir veldig godt. Men det kan bli ei stund til Ikkje alle er like glade i å bake.
SvarSlettEg har kjøpt meg ein pakke med det. Dei må nok vatnast ut før bruk i brød.
SvarSlettEg kjem på at vi på kurset heva i mjøl, ikkje olje. Gamal vane vond å vende.
SvarSlettDet er slik eg baka heile tida,lite gjær og lang heving.
SvarSlett:-)
Eg helde meg til ekte italiensk oppskrift på focaccia - da blir det flatbrød med olivenolje på og det man he i huset.
Schakenda gjer ein ting som eg ikkje har gjort før, såkalla autolyse, å blande mjøl og vatn, her over natta, før ein har i gjær og salt. Det skadar ikkje å prøve! Poenget hans er at dei "gamle" bakarane og husmødrene kan å bake - industrien ikkje. Næringstoffa kan vi ikkje nytte om brøda er bakte på under to timar.
SvarSlett