søndag 13. april 2014

Oslotur

Fredag sette vi nasen mot hovudstaden.  Ærendet var å hente heim studenten og halve flyttelasset hans til påske. I pinsa kan vi gjere det same.  Då er han ferdig med studiet sitt.  For oss har fem år gått fort!

Mannen og eg la oss inn på hotell i to netter.  I går nytta vi høvet til museumsbesøk, shopping og kinobesøk.  Middag åt vi på Kaffistova saman med studenten.

Veret har vore eit kapittel for seg.  Laurdag småregna det i Oslo.  Elles skein sola på Austlandet i dag.  Vi kunne omtrent ikkje tru det då vi høyrde at det var kolonnekøyring på Strynefjellet.  Andre fjellovergangar er stengde.  På Bjorli og på Ørskogfjellet sludda det, elles hadde vi greitt reisever.  I Romsdalen hadde bjørkeblada sprotte ut.  Der hadde våren kome lengst.

Det er kjekt å kome seg litt vekk.  No er vi klare for påskeferie heime!

Eg vil ønskje blogglesarane ei god påske der de er!

3 kommentarer:

  1. God påske !
    Her har det vore trasig ver med regn og sludd, men vona
    er at det skal bli betre utover i påska.
    Kjekt å vere i Oslo, mykje å sjå og oppleve. Eg likar meg der :)

    SvarSlett
  2. Koselig med en liten bytur
    Godt dere hadde brukbart vær i Oslo.
    Og at dere kom dere trygt hjem.
    Så det på Yr at det var litt usikkert over fjellene.
    Ønsker deg ei herlig påskeuke :)

    SvarSlett
  3. Så kjekt med Oslotur!
    Men ikkje så verst her heime heller.
    Ein får berre fyre godt i omnen.
    Må vel til nabobyen din i løpet av Påska for å besøke svigers.

    God Påske!

    SvarSlett

Related Posts Plugin for WordPress, Blogger...