Kva er i flaska?

 I dag tok eg med meg klasse 10 A på ei strand for å grille og chille.  Det var lov å stikke innom ein butikk for å kjøpe seg drikke, så eg greip sjansen og kjøpte meg noko friskt vatn, trudde eg.

I staden for frisk sitronsmak, smakte vatnet søtt.  Ein får berre lære seg å lese opplysningane om næringsinnhaldet på baksida!  Merkinga er internasjonal, og slik den kanskje vert på all mat i nær framtid? For oss som er vane med å rekne med 100 g, er det litt merkeleg å gi opp næringsinnhald for 250 ml, særleg når flaska inneheld 500 ml.

Ein ekstra bonus på kjøpet, er at ein eller annan stad i Afrika får dei tre liter reint vatn! Kanskje eg får fylle mi eiga flaske med reint vatn nokre gonger - og gi kronene direkte til Røde Kors?