I dag er vel kanskje den dagen det vert baka mest bollar rundt om i landet. Eg bestemte meg for å gjere litt seriøs forsking i heimen. Sjølv bruker eg nemleg raud gjær til søt bakst både heime og på skulen. Den raude gjæren gir bollane eit ekstra løft, har eg hevda. Andre meiner det går for det same.
Eg har dobbelt utstyr til Kenwooden min. Eg innførte hugseregelen blå i grå, og sette i gang forsøket. Mjølka varma eg i mikroen før eg vog lik mengde i bollane: 500 g. Deretter hadde eg i 150 g sukker 1 1/2 ts kardemomme og egg (begge 66 g). Maskina knadde deigane litt kvar. Til slutt knadde eg inn 125 g mjukt smør i bitar. Dette har eg begynt med etter å ha lært det av Morten Schakenda og sett forsking på det i fagbladet vårt.
Prøvebaking viser at med å tilsette feitt til slutt i gjærdeig, vil baksten heve betre. (Presisering etter spørsmål i kommentarfeltet).
Etter førstehevinga set ein att deigen med raud gjær har heva litt meir.
Eg vog opp 80 g bollar og tok ein frå kvar deig i kvar hand.
30 minutt etterheving i lunt miljø.
Ser de skilnaden? Frøkna slo raskt fast at dei til høgre er størst. Eg tok midjemålet på dei med målband og fann at skilnaden var på vel ein centimeter.
Konklusjon: Raud gjær gir raskare og betre heving om ein bakar på heilt same måte med raud og blå gjær..
Mmmm, dei ser iallfall gode ut, same ka gjær du brukte.
SvarSlettMen tipset om å kna inn smøret så seint i prosessen har eg ikkje høyrt før.
Må prøve neste gong,,kanskje no i vinterferien på hytta ?
Eit tips eg brukar, fekk det av ei gamal tante, er at eg smuldrar gjæra i ei skål og har sukkeret over. Etter ei stund blandar det seg og blir flytande og eg blandar det med anna væske og resten. Fremmar hevinga trur eg... ??
God bollestund :)
helsing Anne-Mari
Det er lett å få gjærsmak i baksten om ein rører ut gjæren i sukker. Då må det i tilfelle skje fort, noko det ikkje gjer på eit skulekjøken ... Eg smuldrar alltis først gjæren i bollen før eg har i væske og så resten. Omvendt fungerer ikkje i maskin.
SvarSlettDet med smøret lærte vi på kurset med Morten Schakenda. Han har lært av erfaring, så har kjemikarar etterprøvd og kome med forklaringar.
Men når ein har funne sin eigen formel, så får ein no gjere som ein vil. Eg som underviser, pliktar å følgje med i det som skjer på matfronten!
Kva er det som blir betre av at smøret kjem til slutt i deiga ?
SvarSlettBollane hevar betre. Eg ser at eg har presisert det dårleg over. Skal få det inn i teksten! Takk for spørsmålet!
SvarSlettNam !
SvarSlett