Kurs i karbonadar

Månads-dealen på Prix gjer at det vert overskot på hamurgarbrød.  Attpå ein pakke med 6 brød får ein 2 Gilde karbonadar, eller Beef Burger som dei kallar dei.  Men fortvil ikkje, ein får Gilde kjøtdeig attpå tortillas!

I dag har eg lært tenåringane å lage sine eigne karbonadar.  Eg er ikkje noko spesielt flink til det, eg berre gjer det.  I ein pakke kjøtdeig har eg 1 ts potetmjøl, 1/4 ts salt, kverna pepar etter smak (ev 1 krm frå glas/pose) og 1/2 dl vatn.  Blogglesarane må gjerne kome med betre forslag.

Del burgarblandinga i fire og form store, flate karbonadar med ein kniv på ei våt fjøl.  Ha alltid våte hender når du tek i kjøtfarse.

Og smaken?  Sjølv med ei så enkel oppskrift, så var desse meir populære enn dei kjøpte.