Til grillinga i går hadde eg kjøpt inn ostepølser og grillmor. Tilbehør som poteter og grønsaker hadde eg tenkt å sette i steikeomnen og ta med ut. det vart ikkje godkjent. Hadde eg ikkje kjøpt pølsebrød!? Nei, så fekk vi lage sjølve. Eg fann fram ei oppskrift i Brød og korn si kokebok.
Pølsebrøda vart mjuke og gode. Vi brukte Fibramjøl og olivenolje, for det var det vi hadde. Ein kunne sikkert bruke fifty-fifty med grovt og fint kveitemjøl. Uansett så er desse brøda mykje sunnare og betre enn dei som er i handelen!
3 dl lunka mjølk
1 ts sukker
1/2 ts salt
3 ms olje
200 g fibramjøl/sammalen kveite, fin
250 g kveitemjøl
1. Ha ingrediensane i ein bolle. Rør godt, gjerne i brødbakemaskin eller kjøkenmaskin 10 minutt.
2. Dekk bollen med plast/lok/tallerken. Hev til dobbel storleik, ca. 30 minutt.
3. Del deigen i 12 og trill ut pølsebrød.
4. Hev til dobbel storleik, ca. 30 minutt.
5. Pensl brøda med vatn og steik dei lysebrune 10 -15 minutt på 225 grader. Avkjøl på rist.
Ingen kommentarer:
Legg inn en kommentar