Å telle på knappane

Knappane er ofte prikken over i-en i eit plagg.  Eg strikka ei jakke til systera mi som ho "fekk" utan knappar.  Eg hadde sett ein mindre variant av dei eg hadde i svigerinna mi si jakke, men eg synest dei i boka var finare.  Når ein har det travelt, tek ein det ein finn først.  Når ein har ferie, kan ein lage eit lite prosjekt av knappejakta.  Størst utval av knappar finn ein på Ulstein garn og broderi, men eg fann ingen eg likte betre enn dei eg fann på Trådkråa. Det einaste eg kom heim att med, var nokre handdukar som eg kjøpte på halv pris på den nyopna Prinsessbutikken.

I morgon skal systera mi få jakka, og så kan det hende eg får eit bilde av henne i jakka med naturlege fargar.  På bildet er ho altfor gul.