Kor stor er krisa?

Om sommaren kallar ein det agurknytt når ein har lite å skrive om.  No har smørnytt teke over.  TV2 hadde skaffa smør frå Danmark som dei delte ut til trengande på Karl Johan.  Rasjoneringa vart på to pakkar på kvar.  Dei som vart intervjua, hadde stått i kø i tre kvarter.  Til slutt såg det ut som køen var vekk, og dei stod att med eit smørlager.  Det skulle delast ut i Kristiansand klokka 15.  Det vart vel på heimvegen for danskane.

Er dette god underhaldning?  For det er vel meint som humor?  På facebook har folk begynt å stille spørsmål ved krisemaksimeringa.  Ein kan lure på om det hadde vore nok smør i landet om media hadde halde tett?

I dag hadde dei Bremykt i butikken.  Eg kjøpte to pakkar.  Så har vi til smør i grauten. I verste fall måtte vi vel ha ete rømmegraut. Det vert som ei kjent dame visstnok ikkje skal ha sagt:  Har dei ikkje brød, så kan dei vel ete kake!